بسم الله الرحمن الرحيم
اللهم صلَّ وسلم على سيدنا محمد وعلى آله وصحبه أجمعين
أول موضوع ليا ، في المنتدى
وابغى ادخل على الموضوع ( دُغري ) وبدون مقدمات
الصداقة بين الجنسين عبر المسنجر ؟؟؟؟؟؟
إيش رأيكم فيها ؟؟؟؟؟؟
- - - -
انا أشوف إنو يااااما بنات حبّوا شباب بسبب المسنجر
في البداية كانت صداقة ، بعدين شوية شوية كلام حلو
شوية شوية جوال .. .ـ
شوية شوية موعد
شوية شوية ( طوووط طوط ) ـ لايمكن مشاهدة العرض
خخخ
- - - -
نادرًا ما تشوف بنت تتحكم في مشاعرها . .
نفس الكلام عند الشباب
فيه شباب يحبوا بنات ويموتوا عليهم من المسنجر . .!!ـ
ولو راح كلم أمه ، عشان يتزوجها ، الام ماراح توافق ( غالبًا ) ـ
ويضطر يكلم أخته ( يعني يعني صاحبتها ) ومشاكل
والبنت تقول : هيا بسرعة اخطبني عشان الخطّاب كتيرين << سندريلا ماشاءالله
هذا يتعلق بالصداقة التي تتحول إلى حب
- - - -
سؤالي ، هل من صداقة بين الجنسين ، لا تتحول إلى حب ؟؟
او صداقة لاتتطور إلى شيء آخر
- - - -
انا أشوف إنو الولد ينجذب للبنت والعكس
وهذا شيء ( فطري ) ـ
يعني الولد لمن يكلم بنت يحس بحاجة حلوة
بمجرد إنو اللي قدامه هذه ( أثنى ) ؟؟ فهو راح يكون مبسوط
ويهرج معاها بالساعات
.!!!
صح كلامي ولا غلط . !؟!
هذا يعني انا مو ضد الصداقه عبر الماسنجر
واصلا انا عندي قصه مره غيرت حياتي في الماسنجر ((بعدين اقولكم هيا))
بس انا ابغى اعرف اش رأيكم
افيدوني