الله أكبر الله أكبر
أذان الظهر
الجده :يارب.. يارب بحق ده الآدان تنجح يا محمد يابن ابنى وأشوفك دكتور
أد الدنيا
محمد: ياستى بس أنا فى تجارة
الجده : وماله يابنى هو يكتر على
ربنا...... ده ربنا قادر على كل شئ
محمد : ياستى ونعم بالله بس اللى بيطلع دكتور لازم يكون فى كلية الطب مش التجارة
الجده:ياللا تجارة تجارة ..ومالها التجارة ..دى حتى التجارة شطارة..
ده الله يرحمه جدك كان تاجر فى الوكالة أد الدنيا
محمد:ياستى التجارة اللى فى الوكالة حاجة واللى فى الكلية حاجة تانية
الجده:ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق
محمدجدى إيه اللى هايخدنى معاه .....ده جدى مات من زمان ياستى
الجده:يامصيبتى عبد الواحد مات..ياحبيبى ياأخويا..مكنش يومك ياسبعى
محمد:ياستى ده ميت من تلاتين سنة
الجده:تلاتين سنه.!!!!!!!.ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة
محمد:ياستى حرااام عليكى عايز أذاكر بقى
الجده:يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون
محمد:ياستى دبلون إيه..أسمه البكالوريوس
الجده: أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد
الدبلون
محمد:خلاص دبلوم دبلوم ياستى ..سيبينى بقى عشان أذاكر
الجده:ذاكر ..ذاكر ياأخويا ذاكر... تعرف ياواد ..و الله عليا يوم ماتنجح لأكون رايحه خاطبالك عبير بت رئيسه....دى إيه ياواد.. أدب- وأخلاق..وعلام كمان
محمدياستى عبير دى معاها أعدادية
الجده:وماله يابنى ...الراجل مايعبهوش إلا جيبه
محمد:راجل ...راجل مين ياستى...عبير دى بنت
الجده:عبير ...عبير مين ياوله..أنته بتعرف بنات من ورانا
محمد:لا إله إلا الله....أبوس رجلك ياستى أرحمينى بقه
الجده:طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس والله لكون مبوظه الخطوبة دى ومجوزاه أنيسة بت أختى
محمد:ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات
الجده:صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان
محمد:حراااااااااااااااااااااااااااااااااام ............ستى ماتطلعى البلكونة شويه ...ده الهوا
حلو بره
الجده:لأ يا خويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى
محمد:خلاص روحى المطبخ ...أهو زمان أمى خلصت الرز
الجده:رز...رزإيه يابنى....هوأنا ليه سنان للرز...أناهطلع البلكونه أحسن
محمد:طب أبقى خلى بالك م الهوى ياستى
الجده المحششه :هوى لما يلطشك
قال محمد بعد الامتحان :
الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها
ياترى أنا كان إسمى إيه؟؟ ياترى كان إسمى إيه؟؟
ههههههههههههههههههههههههههه
الظاهر ان العيله كلها محششين هع هع
تحياااتي
السبت يوليو 19, 2008 4:12 pm
