منتديات علوش

اتمنى اننو يكون منتدى شااااامل ومسلي للجميع ومن كل الاعمار
 
البوابةالرئيسيةس .و .جبحـثالتسجيلالأعضاءالمجموعاتدخول

شاطر | 
 

 بعض اآلتعاآريفــ منــ حياآتي:

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
خنفوسهـ
مشرفة منتدى الالعاب
avatar

انثى
عدد الرسائل : 1805
العمر : 24
العمل : طآلبهـ
مزاجك : طفشآنهـ
الدولة او المدينة : آلمدينهـ آلمنورهـ
تاريخ التسجيل : 19/08/2007

مُساهمةموضوع: بعض اآلتعاآريفــ منــ حياآتي:   الجمعة أغسطس 24, 2007 12:01 pm

حبيت المنتدى الرائع هازا قدا قدا قدا

<= اشبها خويتنا لسع ؟؟


عاد جايبتلكم تعاريف من حياتي واتمنى انها تعجبكم




بعض الكلمات اللي يستخدموها أهل الحجاز وبخاصة الشباب في الوقت الحالي .. مع الشرح طبعاً





أبو ***
وهادي الكلمة تنقال لما يكون في شي ما يعجبك هههههههههاي يعني زي لمن يكون جوالك قديم ومعدوم العافيه تقول عليه جوال أبو *** ولمن يكون قلمك ما بيكتب زي الأوادم ويقطع تقول قلم أبو ***




أشكل ..
جات فتره انتشرت دي الكلمة بصورة كبيرة وهيا بشكل عام معناها الطناش فلمن تيجي تبغى تطنش شي تقول أديه اشكل ومأخودة من لعبة البلوت او الورق للاخوان اللي ما يعرفو معنى البلوت أطبعوا ههههههههههاي من الألفاظ المضحكة جدا وتنقال لمن شخص ما يسمعك ويسأل ايش قولت وماتعيد الكلام تاني فتقوله اطبعو بلاهه وربي بلاهه




(أل) التعريف ..
انتشرت بشكل رهيب اضافة ال التعريف من باب المبالغة في الفترة الاخيرة زي مثلا لمن تشوف واحد غشيم تقول مو بس غشيم الغشيم ههههههه لمن شباب يعاكسوا في السوق ويشوفو بنات ما يقولو بنات البنات ما رح يفهمها الا اهل الحجاز بصراحه لانها تتنطق بطريقة مميزه
=== > تموت في الطرق المميزه




إنبراش ..
نعرف انه لمن بتلعب كوره واحد يدخل عليك معناتها انبرش عليك لكن عند الشباب صار لها معنى تاني انبراشة صار معناها انه دخله غلط وسط الكلام يعني انه تكون انته والشلة بتهرجوا في موضوع ويجي واحد يقول كلام مالو أي علاقة بالموضوع هنا نقول فلان انبرش وهادي تصير
انبراشه
ولا لمن يكون الكل ساكت ويجي واحد يقول كلام ماله داعي زي نكته بايخه مثلا هنا نقول على الحركة دي انبراشه




بسط وهز وسط ..
تخيلو الفيلم الهندي دا كولو عشان تجاوب على احد يقولك كيف حالك؟





بلف..
ههههههههههاي من اضحك المصطلحات بصراحة طبعا الشباب يعرفو البلوف معنى انه شخص ينبلف يعني انه يسوي الشي بسرعه بدون تفكير مثلا لو شاف صاحبه اشترى سياره جديده وعجبته قوام جاب وحده من نفس النوع هنا نقول انه بلف ينبلف بسرعة هههههههههاي ولمن يكونو اتنين بيتضاربو ويجي واحد يحرش ..

ولا لما يكون واحد يجري بالكورة ولساعو بعيد عن المرمى ويجي واحد يقولو شوووت يقوم يشووت كدا بسرعة دا نقول عليه انبلف ههههههههااي
احس بعض الناس ماحتفهمها بس هوا معناها كده وخلاص




تشبيك ..
ودي الكلمة معروفه وانتشرت بمختلف ارجاء المعمورة ومعناها انه لمن واحد يقول انا شبكت فلانه يعني انا خليتها تعجب فيا وتحبني ولا تكلمني وزي كدا




تغريز ..
كلمة يعرف انه لمن السيارة تغرز يعني تغرز في الرمل لكن بين الشباب المصطلح ده غير يعني لمن انته تيجي وتقول غرزت عند فلانه يعني وقعت في دباديبها ههههههههههه او تقول فلانه غرزت عندي يعني وقعت في دباديبي ايش بالله الكلام الفاضي دا نجيبلك ونش احسنلك
هههههههههههههههههههاي




حمزة ..
هادي اللفظ اللي المفروض يتلغى من قاموس الشباب بتاتا البتة لأنه على اسم صحابي جليل وحرام نهين الأسم بالصوره هادي وحمزه هادا اللفظ معروف حاليا بين مجتمع الشباب بالشخص الركاب يعني الكزاب فلمن تلاقي احد يبكش يقولوه بس ياحمزه





جنط ..
الكل يعرف جنوط السيارات طبعا لكن اليومين دول برضو صار للجنط معنى تاني ..
يعني لمن واحد يقرفك ويطفشك من كلامو ..
يقولولك الشباب اعطيلو جنط يعني طناش ..
وهادي زكرتها فوق بمعنى أشكل




دافور ..
دافور معناها زمان في الحجاز الفرن ولكن دحين صار معناها البنت او الولد الشاطر\ة في الدراسة نقول عنه\ا دافور\ه اللي دايمن شغال عالكتب ولا يسيبها زي ما يسموه المصارية عثة كتب




دعس ..
دي الكلمة تنقال للاقدام على الشي وتنفع مرادف لكلمة قدام يعني لمن مثلا يجي احد يقولك تيجي نروح التحلية ترد عليه وتقول والله دعس يعني يلا معاك
ولا هيا شباب نلعب كورة يقولولو ادعس




زي الكرتوووون ..
تنقال للواحد الأهبل .. اللي مررررة أهبل دينو طالع ..





شاكوش ..
معناها الاصلي طبعا المطرقة لكن دحين صار معناها البنت ولا الولد اللي مو حلو هههههههاي نقول عنه شاكوش




شباب في رحلة ..
وهيا مرادف لكلمة مشى حالك اللي أستخدمتها كتير في كلامي فلمن تعمل شي وما يطلع مره مزبوط فتقول للي جنبك يااخي عادي شباب في رحلة ههههههههههاي من فين جات هادي الله اعلم
ولا تسوي شي مو معتاد كدا وتحس احد استغرب فتقولو شباب في رحلة ياخي





شوربة ..
طبعا كلنا نعرف الشوربة احلى شي عندنا هنا شوربة الحب على الفطور ياسلام سلم لكن هنا معناها غير فلمن انته تقول شوربه يعني شي سهل فلمن مثلا يكون عندك اختبار ويكون سهل جدا تقول الاختبار كان شوربة وهكذا
ولا مسلا تكلم احد وتقولو انا اروح شوربه ..
يعني اروح وطي ..
ولا تيجي المدام تجبلك الاكل تقوم تقولها حياتي من غيرك شوربة





صاروخ ..
هههههههاي طبعا نعرف الصواريخ لكن هنا معناها شي ثاني معناها البنت الحلوة فلمن الاولاد يشوفو بنت حلوة يقولو عنها صاروخ





صهيوني ..
كلمة جدا وحشه بصراحه وما احب انه نستخدمها وهي تنقال للشي الحلو فيقولو لو شي جدا جميل صهيوني وهي مو حلوه لانه الصهاينة اليهود مو من الجميل ننسب لهم الحاجات الحلوه ..
والله عن نفسي نسخدمها في البلوت لما يكون الورق اللي في يدي جبااار ونقول عليه صهيوووني





طقطقة ..
ودي الكلمة تنقال لمن تبغى تتسلي في واحد يعني تستعبط عليه وهوا اهبل يكون مسكين على نياته وتلاقي ياما شباب مثلا متجمعين يقولو لو جا فلان نطقطق عليه ولا تلاقي واحد يجي يقول امس طقطنا على راس فلان وزي كده




في الألف وفي المليون ..
دي حلوه مره وهيا لمن تشوف شي يعجبك ويكون مميز مافي زي يعني او تعمل حركه مميزه او شي زي كده لنفرض مثلا جوال عجبك تقول والله جوال في الألف أو تقول جوال في المليون




ما عندك احد ..
هههاي كلمه فله ولمن مايكون عندك هرجه وتنقال للشي اللي مو تمام


نمرة واستمارة ..
ودي تنقال عند التأكيد وغالبا في الغباء والهباله زي مثلا تقول فلان أهبل بنمرة واستمارة





كاي ..
وهادي هيا ضحكة الشباب الجديدة ويضحكوها وقت التريقة والشماتة ولا دحين صار الضحك تقول كااااااي بصوت عالي وتمد الألف





هبقة ..
هبقة زمان اعتقد كان معناها سرقة لكن دحين اتغير المعنى فلمن تقول مثلا والله هبقت انا والشباب ورحنا الكباين متلا فهبقة فهنا معناها طلعة وليها معنى تاني بمعنى هروب زي لمن طالب يقول أمس هبقت من المدرسة يعني شردت منها او تسوي حاجة غريبة على حركاتك انتا تقول
يا عمي هبقة





يعطيك ..
دي الكلمة من الكلمات الجديدة وتنقال للتشجيع يعني لمن تلاقي احد عامل حاجه رهيبه تقوله يعطيييييييييك بمد الياء التانية زي متلا يكون سجل قول ولا شي زي كده





أرنب .. ركبتي ..
من الكلمات الي تدل اني انا بسمع خرشة قدامي ..
فيعني قلك بيسو انهم محترمين ومايبغو يقولو للقدامهم انو كزاب ..
يقومو يقولولو كده يعني زي واحد قاعد يتكلم ويحكي وكول كلامو بكش يقوم واحد يقول للتاني يووواد شوف شوف ارانب





يلعن ام الفله ..
وهادي من الكلمات الي ماسكه في لساني ...
لمن يكونو في شباب وعجبتهم مره الطلعه ولا في اولا يبسطو الواحد يطلعو يقومو يقولو على الطلعه متلا يلعن ام الفله ..




امووو ..
يعني مسلا مين فين لأمو حلو ..
يابن الناس سيب امو في حالها هيا اشلها صلاح ..




فوكنا ..
يعني تكون مافيك و واصله معاك على النهايه ..
واحد مطفشك تقولو ياشيخ فوكنا ..




فوكها ..
هههههههههههاي هادي المره هوا حيفكها ..
لمن الواحد تكون اخلاكو زفت ومررره طين ..
تقولو ياشيخ خلاص فوكها ...




قويه ..
لمن يسير شي مو عاجبك ولا شي كده مو زي الناس ..
تقول قوييييييييييييه بشد الياء





خرااااش..
دي الكلمة لمن تكون جالس بين الشباب ويجيك واحد يجلس يكدب ويلفق في الحكاية ويملح فيها تقوم تقول خراااااش





كووووووول ..
وتنقال على أي شي يعجبهم ..
وهادي حكتر منها ..





جييييييد ..
بشد الياء .. لمن يعجبك الشي كول جيييييييد ..





بااااااااد ..
لمن تشوف امر مو حلو ولا ولد سيء منظرو يقولو عليه باد .
بمد الالف ..





هيااا خير ..
لما يسير شي مفاجيء ولا يكون في حاجة غريبة كدا ولا باسوي نفسي مستغرب ولا باستهبل اني مش مستوبع فعلى طول
هيااااا خيييييييييييييير




هيااا كلوو ..
يعني لما يصير شي مو عاجبني من واحد ويكون رافع ضغطي ويقول كمان حاجات غبية زيادة على كلامو أقوم أقول
هيااااا كلووووووووو




أسري ..
كلمة بمعنى أنقلع بس مؤدبة اكتر هههههههههههههههههههههههه ..
أو مثلاً لما واحد يقول حاجة ما عجبتني ويبغاني أسويله هيا أقوم أقله يواد أسري ..





كل فطير وطير ..
يعني يللا روح سري راحت عليك خلاص





انشكاح ..
ومعناها يعني لمن الواحد بيسمع خبر حلو ولا عندو خرجه خطيره وفيها فله تلاقي طاير من الفرح ومين قدو .. على طول نقولو بطل انشكاح تلاقيه منشكح





لاتدف ..
كلمه حلوه وتنقال لمن تكون تتكلم ومتحمس في الهرجه ومتفعل في كلامو ويأشر بيدو كده ويطلع فيها وينزل .. ولا واحد معصب وبيهزئ في الكلام .
ولا كده واحد يقول يلا بسرعه سوي كده دحين ..
تقوم تقولو
لاتدف




قردنه ..
هادي غالبا ماتنقال على الناس الي مزرقنين ..
متلا تبغى تخرج وابوك مصر انك اليوم معاقب مافي خوروج ..
على طول يقولك صاحبك ياشيخ روح قردنو .. يعني روح جيب راسو ..
ههههههههههههههههههههههههاي
مو راسو يعني تروح تقتل الرجال وتجيب راسو ..
لا لا يعني تجيب الموافقه ويقول طيب ..
او تروح تقول لصحبتك نبغا نخرج وهيا تقولك لا ومدري ايش فتقعد تقردنها الين ما ترضى
ههههههههههااي




اصرفها.. اخرشها ..
هههههههههههاي كلمه في اللزيز ..
عندك كده كدبه ومنتى عارف تكزبها وخايف وعامل الولد الي ماعمرو يكزب وانت دحين في ورطه ولازم تكزب ..
يقوم صاحبك يقولك ياشيخ خلاص اخرشها ولا اصرفها
ولا سويت مصيبة وتبغا تلف الموضوع فتبدا تفكر كيف تخرشها ولا تصرفها




نص كوم ..
حركات النص كوم دي بطلوها ..
تقعد تعملي انك ولد كووول وفي النهايه ايش تبغى ..
كده قول مين الاخير ..
عندك شي تبغاه مصلحه تبغاها قول ..
لكن لاتقعد تدحلس عندي وتعمل حركات نص كوم



عاد دي بعض من كل واتمنى انها تعجبكم

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اســ الشوق ــيــر
مشرف منتدى برامج الكمبيوتر
avatar

ذكر
عدد الرسائل : 106
العمر : 28
العمل : طالب
مزاجك : فلاوي
الدولة او المدينة : المدينة المنورة
تاريخ التسجيل : 22/08/2007

مُساهمةموضوع: رد: بعض اآلتعاآريفــ منــ حياآتي:   الجمعة أغسطس 24, 2007 12:41 pm

خنفوسة بس حبيت اعلق على كلمة جنط لانو معناها مو اشكل معناها حمار ما يفهم غبي تمبل يعني ما يستوعب الكلام بسرعه



وكمان كلمه هبقة معناتها مو زي الي مكتوب معناتاها يبغى يطلع مكان غريب يجيلي شي كدا الا يبغى يسويه غصب وفي وقت مو مناسب زي مثلا بعد صلاة الفجر واحد يقول يالله شباب تطلعو الكزينو هذي يسموها هبقة غلط


وبس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خنفوسهـ
مشرفة منتدى الالعاب
avatar

انثى
عدد الرسائل : 1805
العمر : 24
العمل : طآلبهـ
مزاجك : طفشآنهـ
الدولة او المدينة : آلمدينهـ آلمنورهـ
تاريخ التسجيل : 19/08/2007

مُساهمةموضوع: رد: بعض اآلتعاآريفــ منــ حياآتي:   الجمعة أغسطس 24, 2007 1:27 pm

Very Happy يسلموو اآسير عاآلمرور اآلحقيقهـ اآنو لهاآ معنى تاآني يعني كلاآمي و كلاآمكـ صح

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
totti222
فلاوي متمرس
avatar

ذكر
عدد الرسائل : 706
العمر : 31
مزاجك : student
الدولة او المدينة : regular
تاريخ التسجيل : 19/08/2007

مُساهمةموضوع: رد: بعض اآلتعاآريفــ منــ حياآتي:   الجمعة أغسطس 24, 2007 5:49 pm

دحين من جدك انتي تلعبي بلوت؟؟؟؟؟؟؟؟؟؟؟؟؟؟؟
شكرا ع الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خنفوسهـ
مشرفة منتدى الالعاب
avatar

انثى
عدد الرسائل : 1805
العمر : 24
العمل : طآلبهـ
مزاجك : طفشآنهـ
الدولة او المدينة : آلمدينهـ آلمنورهـ
تاريخ التسجيل : 19/08/2007

مُساهمةموضوع: رد: بعض اآلتعاآريفــ منــ حياآتي:   السبت أغسطس 25, 2007 4:35 am

اآناآ ماآ اآلعبــ بلوتــ اآناآ اآتفرج على اآللي يلعبوهاآ بصراآحهـ نفسي اآتعلمهاآ

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr.3ll0o0o0ossh
إدارة الــمــنــتــدى
إدارة الــمــنــتــدى
avatar

ذكر
عدد الرسائل : 1524
العمر : 27
العمل : طالب جامعي
مزاجك : سيكا سيكا في الباي باي
الدولة او المدينة : جدة
تاريخ التسجيل : 09/08/2007

مُساهمةموضوع: رد: بعض اآلتعاآريفــ منــ حياآتي:   السبت أغسطس 25, 2007 10:33 am

اما عمري ماشفت بنت تلعب بلوت في حياتي نفسي اشوف بنت كدا تلعب بلوت تخيلو البنت كدا تزعق وتقول حكم خويتها تقول لا انا اخدو صن
وتسمع سرا وتنزل السرا
خخخخخخخخخخخ
اللي ما يعرفو البلوت طبعا ماهم فاهمين ولا شي
خخخخخخخخخخ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خنفوسهـ
مشرفة منتدى الالعاب
avatar

انثى
عدد الرسائل : 1805
العمر : 24
العمل : طآلبهـ
مزاجك : طفشآنهـ
الدولة او المدينة : آلمدينهـ آلمنورهـ
تاريخ التسجيل : 19/08/2007

مُساهمةموضوع: رد: بعض اآلتعاآريفــ منــ حياآتي:   السبت أغسطس 25, 2007 10:42 am

يسلمووو علوش واآلله منــ جد ماآ اآفهمـ شي بس اعرفــ اآيش يعني بعض اآلكلماآتــ

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
= Lovely Boy =
المـــــــراقــــــــب العـــــــــــام
avatar

ذكر
عدد الرسائل : 2743
العمر : 36
العمل : سكرتير
مزاجك : عال العال
الدولة او المدينة : بين جدة و المدينة
تاريخ التسجيل : 12/08/2007

مُساهمةموضوع: رد: بعض اآلتعاآريفــ منــ حياآتي:   السبت أغسطس 25, 2007 4:41 pm

اول شي صح كلام خنفوسه في موضوع الجنط اسير الااذا عنكم غير كذا
تاني شي كلمة دعس يعين زي ان مرررره حماس او قمة الفلة
ثالثاً انا أعرف بنات يلعبوا بلوت و أنواع الفلة لا و يضاربوا كمان خخخخخخخخخخخخ
أخيراً انا كم مرررره قلتلك لا تجلسي مع الاولاد يا خنفوسه شوفتي با إيش طلعتي
و تقبلي مروري

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مستشارة ابليس البنات*
V.I.P
V.I.P
avatar

انثى
عدد الرسائل : 1478
العمر : 35
العمل : رقاصه
مزاجك : مآآآآآآآجر السطووووووووح
الدولة او المدينة : محشيش يلومني
تاريخ التسجيل : 19/08/2007

مُساهمةموضوع: رد: بعض اآلتعاآريفــ منــ حياآتي:   السبت أغسطس 25, 2007 9:12 pm

طيب راح ادعسكم كلكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sweetgirl
مشرفة منتدى الحب
avatar

انثى
عدد الرسائل : 3042
العمر : 24
العمل : تاالبه..،
مزاجك : مرره فلله..،
الدولة او المدينة : ينبع الصناعيه..،
تاريخ التسجيل : 23/08/2007

مُساهمةموضوع: رد: بعض اآلتعاآريفــ منــ حياآتي:   الخميس سبتمبر 06, 2007 6:04 am

يسلموا خنفوسه


وازا ازا ازا اتعلمتي بلوت علميني معاكي Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مستشارة ابليس البنات*
V.I.P
V.I.P
avatar

انثى
عدد الرسائل : 1478
العمر : 35
العمل : رقاصه
مزاجك : مآآآآآآآجر السطووووووووح
الدولة او المدينة : محشيش يلومني
تاريخ التسجيل : 19/08/2007

مُساهمةموضوع: رد: بعض اآلتعاآريفــ منــ حياآتي:   الأحد سبتمبر 09, 2007 2:03 am

Rolling Eyes Razz
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
miss kind
مشرفة منتدى الفلة
avatar

انثى
عدد الرسائل : 2362
العمر : 98
العمل : طالبه فاشله هع هع
مزاجك : مروووقه هع هع
الدولة او المدينة : في سطح البيت هع هع
تاريخ التسجيل : 05/02/2008

مُساهمةموضوع: رد: بعض اآلتعاآريفــ منــ حياآتي:   السبت مارس 01, 2008 2:24 pm

دافور ..
دافور معناها زمان في الحجاز الفرن ولكن دحين صار معناها البنت او الولد الشاطر\ة في الدراسة نقول عنه\ا دافور\ه اللي دايمن شغال عالكتب ولا يسيبها زي ما يسموه المصارية عثة كتب

هادي لازقة بلزق على لساني هع هع

و بمناسبة البلوت انا كنت العب اول بس دحين نسيتها كلها و مني فاكره اي شي منها هع هع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بعض اآلتعاآريفــ منــ حياآتي:
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات علوش :: منتديات علوش للفلة :: منتدى الفلة-
انتقل الى: