هذه القصيده كتبتها امرأه طاعنه في السن بعد ما اودعها ابنها ولأسف في دار المسنين
يامسندي قلبي على الدوم يطريك
ماغبت عن عيني وطيفك سمايا
هاذي ثلاث السنين والعين تبكيك
ماشفت زولك زاير يا ظنايا
تذكر حياتي يوم اشيلك واداريك
والاعبك دايم وتمشي ورايا
ترقد على صوتي وحضني يدفيك
ماغيرك احد ساكن في حشايا
ويامرضت اسهر بقربك واداريك
ما اذوق طعم النوم صبح ومسايا
ياما عطيتك من حناني وابعطيك
تكبر وتكبر بالأمل يامنايا
لكن خساره بعتني اليوم وشفيك
واخلصت للزوجه وانا لي شقايا
انا ادري انها قاسيه ما تخليك
قالت عجوزك ما ابيها معايا
وخليتني وسط المصحه وانا ارجيك
هذا جزى المعروف وهذا جزيا
ياليتني خدامه بين اياديك
عشان اشوفك كل يوم برضايا
مشكور يا وليدي وتشكر مساعيك
وادعيلك الله دايم بالهدايه
حمدان ياحمدان امك توصيك
اخاف ما تلحق تشوف الوصايا
اوصيت دكتور المصحه ابيعطيك
رسالتي وحروفها من بكايا
وان مت لاتبخل علي بدعاويك
واطلبلي الغفران وهذا رجايا
وامطر تراب القبر بدموع عينيك
ماعاد ينفعك الندم والنعايا
وسلامتكم
لاتحرموني من ردودكم
الأربعاء أغسطس 15, 2007 10:59 am
