أبغى إجابة؟!!

بسم الله الرحمن الرحيم
السلام عليكم ورحمة الله وبركاتة
أما بعد : سؤال واحد يكفيني بس
ليش لمن تقول لزوجتك إنك حتتزوج عليها تزعل وما تتكلم معاك وتبغى الطلاق وما تبغى تشوف وجه زوجها معنوا الله عز وجل شرع للرجل الزواج بأربع ؟
الصراحة أبغى جواب وحل
وشكرا
أخوكم علووش مهجد الوحوووش

يا بنات اسمحولي ارد عنكم
اتوقع انو من الصعب على الزوجة انها تستحمل صدمة زي هادي ,يعني هيا اللي تتعب معاه من بداية حياتو الين ما يغنيه ربي ويوسع عليه يقوم يتزوج عليها
وتجي وحدة تانية تاخدو بارد مبرد وتاخدو على غنى وراحة وبعدين يهمل الاولى
وينسا تعبها معاه
وفوق هادا كللو ما تبغاهم يزعلو
حرام عليك برضو هما لهم احساس


تعليق:

= Lovely Boy = كتب:

سؤالك انا أعتبر غريب

بس يمكن عشان تلاقي هيا انو في واحده تانية تشاركها الحياة و هيا ترفض الشي دا

و بعدين لو الواحد بيتزوج أكثر من واحده لازم يكون بسبب مو بس كذا يعني من الأسباب

1- ان تكون زوجته الأولى عقيم يعني ما تجيب بزوره ممكن يروح يتزوج عليها .
2- اذا كانت غير قادرة على خدمة لمرض أو عجز ممكن يتزوج تانية .
3- اذا كان الرجل يرغب في انجاب عدد أكبر من الأبناء .

أما لو كان كذا فلوسه زايادة و حاب يتزوج و يغير انا أشوف انها فكره غير صائبة زي بعض الرجال تلاقيه شايب و خلاص قرب يموت ويقول انه يبغى يتزوج بنت عمرها 17 سنة
هذا أنا أسميه قمة التخلف و الغباء ...

طبعاً هذا رأي الشخصي و راح نشوف رأي الأخوان التانين

اسف اخويا لفلي انا اعارضك شوية مع احترامي لكامك هوا مو تخلف وغباءهوا شرع ربنا
قال الله تعالى((وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا))
انا اوافقك في مسالة الرجال العجوز
موافقة عقلية لكن موشرعية
وبالنسبة للسبب الاول انو تكون الزوجة عقيمة انا افضل انو يكون بموافقتها لانو بعيد عنك لو انتا كنت عقيم برضو كمان يحق لزوجتك تطلب الطلاق منك وتشوف نصيبها وتجيب عيال
اوافقك في السبب التاني انها تكون غير قادرة على خدمتك لمرض او شي زي كدا


هادا مجرد راي والاختلاف لا يفسد للود قضية

البنات يفكرو بالعاطفة
وهادا سبب كافي انها تزعل
لانو الزوج كان ملكها تبعها كل شي معاها
نومو وصحيانو وكل حياتو معاها
فصعبة جدا على الحرمة انها تتقبل انو زوجها يتزوج عليها
وطبعا لكل قاعدة شواذ
في بعض الحريم ما عندهم مشكلة انو جوزهم يتجوز عليهم
بالذات اذا كانن فيها عيب
فباختصار شي جدا طبيعي انو الحرمة تزعل لو جوزها يبغا يتجوز عليها وهادا من محبتها له

مشكوووور على ردودكم

اخووووويه الكريييم
الحرمه عباره عن مشااعر واحاسيس
انت باقل كلمه رااح تنجرح منك
تاااني شي السؤال هذه يدل على انوو الرجل هذه اناني
تالت شي انت ترضى حرمتك تقوولك ابغى احب رجلك بدالك
صح ربنا حلل اربعه
بس انت فكر فيهاا صح
عندك زوووجتك ليش من اصله تفكر بغيرهاااا غير الا اذاا ساارت معااك
نفس الاشيااء الي قالك هياا لفلي بس الاول والثااني منهااا

ويسلمووو

مشكوووور على ردودكم

يا اخي طبع من الطباع المتأصله في المرأه هوا حب التملك

وهذا موجود في جميع النساء

يعني شيء جدا جدا طبيعي انا ترا ردة فعل قويه من تجاهها

وانا بصراحه اعتبر سؤالك الغريب ..

واشكر اخواني على الردود الجميله

ولي تعقيب بسيط على كلام الاخ لوفلي بوي

في قوله انه يجب توفر الاسباب << واكيد تبقى وجهة نظر يجب احترامها

الاسلام عندما حلل الزواج من اربع كان المطلوب هوا العدل بينهم

واسف على الاطاله

دمتم بود

طبيعي الحرمه تزعل وتطلب الطلاق لمن زوجها يتزوج عليها..


لانو هوا حيكون حبها الاول والاخير واللي جربت معاه كل شي لاول مره..

وكفايه انها تفكر لمن يكون هوا مع التانيه انو بيسوي مع الزوجه التانيه نفس اللي بيسويه

معاها وبيفوللها نفس كلام الحب اللي بيقوللها هوا..

والله احساس مايتوصف..ويوجع القلب..

انا Ok عارفه انو هادا الشي ربنا حللو..بس لمن يكون في سبب..ومو اي سبب زي ماقال لوفلي..

وتسلم CR7 ع الموضوع الرائع..

يمكن عشان هيا ما تبغى احد يشاركها في زجها هع هع

يسلموو